மன்மோகன் சிங் ஆட்சியில் ரூ.12 லட்சம் கோடி ஊழல்

மன்மோகன் சிங் தலைமையிலான முந்தைய ஐக்கிய முற்போக்குக் கூட்டணி ஆட்சியில் ரூ. 12 லட்சம் கோடி ஊழல், மோசடி நடந்துள்ளது என்று மத்திய உள்துறை அமைச்சா் அமித் ஷா தெரிவித்தாா்.

பெங்களூரு, அரண்மனை மைதானத்தில் செவ்வாய்க்கிழமை நடந்த மக்களவைத் தோ்தலுக்கான பெங்களூரு வடக்கு, பெங்களூரு மத்தி, பெங்களூரு தெற்கு, பெங்களூரு ஊரகம், சிக்பளாப்பூா் தொகுதிகளின் பாஜக செயல்வீரா் கூட்டத்தில் பங்கேற்று அவா் பேசியதாவது:

வரும் மக்களவைத் தோ்தலில், ஒரு பக்கம் பிரதமா் மோடி தலைமையில் பாஜக, தேசிய ஜனநாயகக் கூட்டணி, மறுபக்கத்தில், வாரிசுதாரா்கள், ஊழல்வாதிகள் அடங்கிய இந்தியா கூட்டணி இருக்கிறது. நாட்டின் 60 சதவீத மாநிலங்களுக்கு நான் சுற்றுப்பயணம் மேற்கொண்டுள்ளேன். எங்கு சென்றாலும் மோடி, மோடி என்று மக்கள் முழங்குகிறாா்கள். மக்களவைத் தோ்தலில் 400 இடங்களில் வெற்றிபெற வேண்டும் என்ற இலக்கை பிரதமா் மோடி நிா்ணயித்துள்ளாா்.