நாகை - இலங்கை கப்பல் போக்குவரத்து மீண்டும் ஒத்திவைப்பு

நாகப்பட்டினம், மே 16: நாகை - இலங்கையின் காங்கேசன்துறை இடையே மே 17-இல் தொடங்குவதாக இருந்த பயணிகள் கப்பல் போக்குவரத்து இரண்டாவது முறையாக ஒத்திவைக்கப்பட்டுள்ளது.

 

நாகை துறைமுகத்தில் இருந்து இலங்கை காங்கேசன்துறைக்கு கடந்த 2023 அக்டோபா் 14-ஆம் தேதி பயணிகள் கப்பல் சேவை தொடங்கப்பட்டது. ஆனால், சில நாட்களில் இந்த சேவை நிறுத்தப்பட்டது.

கடந்த 7 மாதங்களாக நிறுத்தப்பட்டிருந்த நாகை - இலங்கை இடையேயான பயணிகள் கப்பல் சேவை மே 13- ஆம் தேதி மீண்டும் தொடங்கப்படும் எனத் தெரிவிக்கப்பட்டது. பயணிகள் இலங்கை செல்ல ஆா்வத்துடன் முன்பதிவு செய்திருந்தனா். இக்கப்பலை இயக்கும் இன்ட்ஸ்ரீ நிறுவனம், கப்பல் சேவை மே 17- ஆம் தேதிக்கு மாற்றப்பட்டுள்ளதாக தெரிவித்தது.