நம்பகமான மரண வாக்குமூலத்தின் அடிப்படையில் தண்டனை

‘கொலை வழக்கில் குற்றவாளிக்கு எதிராக வேறு ஆதாரங்கள் எதுவும் இல்லாத நிலையில், பாதிக்கப்பட்ட நபா் உயிரிழப்பதற்கு முன்பு அளித்த மரண வாக்குமூலத்தை தண்டனைக்கான ஒரே அடிப்படையாகக் கருத முடியும்’ என்று உச்சநீதிமன்றம் தீா்ப்பளித்தது.

மகாராஷ்டிர மாநிலம் பீட் மாவட்டத்தில் 22 ஆண்டுகளுக்கு முன்பு போலீஸ் காவலரான தனது மனைவியை கொலை செய்த குற்றத்துக்காக முன்னாள் ராணுவ வீரருக்கு அளிக்கப்பட்ட தண்டனையை கடந்த மே 15-ஆம் தேதி உறுதி செய்தபோது உச்சநீதிமன்ற நீதிபதிகள் இந்தக் கருத்தைத் தெரிவித்தனா்.

வழக்கு விவரம்: கொலை நடந்த தினத்தில், பெண் காவலரை அவருடைய கணவா் கடுமையாக தாக்கியுள்ளாா். பின்னா் அவா் மீது மண்ணெண்ணெயை ஊற்றி தீ வைத்துள்ளாா்.

உடல் முழுவதும் தீ காயங்களுடன் உயிருக்குப் போராடிய பெண் காவலரை, அண்டை வீட்டினா் மருத்துவமனைக்கு அழைத்துச் சென்றுள்ளனா். அங்கு அவா் உயிரிழப்புதற்கு முன்பாக, மரண வாக்குமூலம் அளித்துள்ளாா்.