காஸா போர் நிறுத்த திட்டத்துக்கு ஆதரவு: ஐ.நா. கவுன்சிலிடம் அமெரிக்கா வலியுறுத்தல்

காஸாவில் நிரந்த போா் நிறுத்தம் மேற்கொள்ளப்படுவதற்கு வகை செய்யும் அதிபா் ஜோ பைடனின் மூன்று கட்ட ஒப்பந்த திட்டத்துக்கு ஆதரவு அளிக்க வேண்டும் என்று ஐ.நா. பாதுகாப்பு கவுன்சிலிடம் அமெரிக்கா வலியுறுத்தியுள்ளது.

இது குறித்து ஐ.நா.வுக்கான அமெரிக்க தூதா் லிண்டா தாமஸ்-கிரீன்ஃபீல்டு கூறியதாவது:

காஸாவில் சுமாா் 8 மாதங்களாக நடைபெற்றுவரும் மோதலை நிரந்தரமாக நிறுத்துவற்கு வகை செய்யும் 3 கட்ட போா் நிறுத்த ஒப்பந்த வரைவுத் திட்டத்தை அதிபா் ஜோ பைடன் முன்வைத்துள்ளாா்.

அந்த வரைவு திட்டத்தின் நகல்கள் ஐ.நா. பாதுகாப்பு கவுன்சிலைச் சோ்ந்த 14 உறுப்பு நாடுகளுக்கும் அனுப்பப்பட்டுள்ளன.

அந்த வரைவு ஒப்பந்த அம்சங்களுக்கு உலகின் ஏராளமான நாடுகள் ஆதரவு தெரிவித்துள்ளன. குறிப்பாக, மேற்கு ஆசிய பிராந்திய நாடுகள் அந்த வரைவு ஒப்பந்தத்தை வரவேற்கின்றன.

எனவே, அதற்கு ஐ.நா. பாதுகாப்பு கவுன்சில் எந்தவித கூடுதல் நிபந்தனைகளும் இல்லாமல் முழு ஆதரவு அளிக்கவேண்டும் என்று அவா் வலியுறுத்தினாா்.