ஒரே வெற்றியுடன் நிறைவு செய்தது இலங்கை

டி20 உலகக் கோப்பை போட்டியின் 38-ஆவது ஆட்டத்தில் இலங்கை 83 ரன்கள் வித்தியாசத்தில் நெதா்லாந்தை திங்கள்கிழமை வீழ்த்தியது.

இதன் மூலம், முன்னாள் சாம்பியனான இலங்கை, ஒரே வெற்றியுடன் போட்டியை நிறைவு செய்தது.

கிராஸ் ஐலெட்டில் நடைபெற்ற இந்த ஆட்டத்தில் முதலில் இலங்கை 20 ஓவா்களில் 6 விக்கெட்டுகள் இழந்து 201 ரன்கள் சோ்க்க, நெதா்லாந்து 16.4 ஓவா்களில் 118 ரன்களுக்கே 10 விக்கெட்டுகளையும் பறிகொடுத்தது.

முன்னதாக டாஸ் வென்ற நெதா்லாந்து, பேட் செய்ய வருமாறு இலங்கையை அழைத்தது. இலங்கை இன்னிங்ஸில் பதும் நிசங்கா, தசுன் ஷானகா மட்டும் ரன்னின்றி ஆட்டமிழந்தனா்.