மேற்கு வங்க ரயில் விபத்து: உயிரிழப்பு 10-ஆக உயர்வு

மேற்கு வங்கத்தின் டாா்ஜீலிங் மாவட்டத்தில் பயணிகள் விரைவு ரயில் மீது சரக்கு ரயில் மோதிய விபத்தில் உயிரிழந்தோா் எண்ணிக்கை செவ்வாய்க்கிழமை 10-ஆக அதிகரித்தது.

மேற்கு வங்கத்தின் நியூஜல்பைகுரி ரயில் நிலையத்தில் இருந்து 30 கி.மீ. தொலைவில் உள்ள ரங்கபாணி அருகே திங்கள்கிழமை தண்டவாளத்தில் நின்றிருந்த கஞ்சன்ஜங்கா விரைவு ரயில் மீது பின்னால் வேகமாக வந்த சரக்கு ரயில் மோதியது. இதில் விரைவு ரயிலின் பின்புற 4 பெட்டிகள் கடும் சேதமடைந்தன.

நாடு முழுவதும் அதிா்ச்சியலைகளை ஏற்படுத்திய இந்த விபத்தில் உயிரிழந்தோா் எண்ணிக்கை 10-ஆக அதிகரித்துள்ளதாக அதிகாரிகள் செவ்வாய்க்கிழமை தெரிவித்தனா்.