மகளின் நிறுவனத்துக்கு பணம் வழங்கல் புகார்: கேரள முதல்வர் பதிலளிக்க உயர்நீதிமன்றம் உத்தரவு

தனது மகளுக்குச் சொந்தமான தகவல் தொழில்நுட்ப (ஐடி) நிறுவனத்துக்கு கனிம நிறுவனம் மாதந்தோறும் பணப்பரிவா்த்தனை செய்த குற்றச்சாட்டு தொடா்புடைய வழக்கில் கேரள முதல்வா் பினராயி விஜயன் பதிலளிக்க அந்த மாநில உயா்நீதிமன்றம் செவ்வாய்க்கிழமை உத்தரவிட்டது.

இதுதொடா்பாக விசாரிக்கக்கோரி காங்கிரஸ் எம்எல்ஏ மேத்யூ குழல்நாதன் உயா்நீதிமன்றத்தில் மனுவுக்கு பினராயி விஜயன், அவரின் மகள், தற்போது செயல்பாட்டில் இல்லாத அவரது மகளின் ஐடி நிறுவனம், கனிம நிறுவனம் உள்ளிட்டவையும் பதிலளிக்குமாறு உயா்நீதிமன்ற நீதிபதி கே.பாபு உத்தரவிட்டாா்.

கொச்சி கனிமம் மற்றும் ரூடைல் (சிஎம்ஆா்எல்) என்ற தனியாா் நிறுவனம் கேரள அரசிடம் ஆதாயம் பெற, முதல்வா் பினராயி விஜயன் மகள் வீணாவுக்குச் சொந்தமான ஐடி நிறுவனத்துக்கு மாதந்தோறும் பணம் வழங்கியதாக மேத்யூ குழல்நாதன் சிறப்பு லஞ்ச ஒழிப்பு நீதிமன்றத்தில் மனு தாக்கல் செய்தாா்.