கேஜரிவாலின் ஜாமீன் நிறுத்திவைப்பு

தில்லி மதுபான கொள்கை முறைகேடு வழக்கில் தொடா்புடைய சட்ட விரோத பணப் பரிவா்த்தனை வழக்கில் தில்லி முதல்வா் அரவிந்த் கேஜரிவாலுக்கு விசாரணை நீதிமன்றம் வியாழக்கிழமை அளித்த ஜாமீனுக்கு தில்லி உயா்நீதிமன்றம் வெள்ளிக்கிழமை இடைக்காலத் தடை விதித்தது.

இதனால் திகாா் சிறையிலிருந்து கேஜரிவாலின் விடுவிப்பில் தாமதம் ஏற்பட்டுள்ளது.

கடந்த மாா்ச் 21 அன்று அமலாக்கத் துறையால் கைது செய்யப்பட்ட ஆம் ஆத்மி கட்சியின் தேசிய அமைப்பாளா் கேஜரிவாலுக்கு வியாழக்கிழமை (ஜூன் 20) விசாரணை நீதிமன்றம் ஜாமீன் வழங்கியது. அப்போதே அவரது ஜாமீனுக்கு 48 மணி நேரம் நிறுத்தி வைக்க வேண்டும் என்று அமலாக்கத் துறை கோரியது. ஆனால் அதை விசாரணை நீதிமன்றம் மறுத்துவிட்டது.