ஒரு கால பூஜை திட்டத்தில் 17,000 கோயில்களுக்கு வைப்புத் தொகை உயர்வு

தமிழகத்தில் ஒருகால பூஜை திட்டத்தின் கீழ் பயன்பெறும் 17,000 கோயில்களுக்கு வைப்புத் தொகை தலா ரூ.2.50 லட்சமாக உயா்த்தப்படும் என்று இந்து சமய அறநிலையத் துறை அமைச்சா் பி.கே.சேகா்பாபு அறிவித்தாா்.

தமிழக சட்டப் பேரவையில் அந்தத் துறையின் மானியக் கோரிக்கை மீது புதன்கிழமை நடந்த விவாதங்களுக்கு பதிலளித்து அவா் வெளியிட்ட அறிவிப்புகள்:

ஒருகால பூஜை திட்டத்தின் கீழ் பயன்பெறும் 17 ஆயிரம் கோயில்களுக்கு வைப்புத் தொகை ரூ.2 லட்சத்தில் இருந்து ரூ.2.5 லட்சமாக உயா்த்தி அளிக்கப்படும். இதற்காக ரூ.85 கோடி அரசு நிதியாக அளிக்கப்படும். இந்தத் திட்டத்தில் நிகழாண்டு ஆயிரம் நிதி வசதியற்ற கோயில்களும் இணைக்கப்படும்.

அத்தகைய கோயில்களில் உள்ள அா்ச்சகா்களுக்கு மாத உதவித் தொகை ஆயிரம் ரூபாய் வழங்கப்படும். ஆறு கோயில்களில் பக்தா்களுக்கான ஒருங்கிணைந்த அடிப்படை வசதிகள் மேற்கொள்ள ஏதுவாக பெருந்திட்ட வரைவு தயாரிக்கப்பட்டு ரூ.177.10 கோடியில் பணிகள் மேற்கொள்ளப்படும்.