பணமோசடி வழக்கு: ஹேமந்த் சோரன் ஜாமீனில் விடுவிப்பு

நில அபகரிப்பு முறைகேடு தொடர்பான பண கைதான மோசடி வழக்கில் ஜார்க்கண்ட் முன்னாள் முதல்வர் ஹேமந்த் சோரனுக்கு ஜார்க்கண்ட் உயர்நீதிமன்றம் ஜாமீன் வழங்கியது.

இதைத் தொடர்ந்து, ராஞ்சியிலுள்ள பிர்ஸா முண்டா சிறையிலிருந்து அவர் வெள்ளிக்கிழமை மாலை விடுவிக்கப்பட்டார்.

ஜார்க்கண்ட் தலைநகர், ராஞ்சியில் போலி ஆவணங்களைத் தயாரித்து, நிலத்தை அபகரிக்கும் சட்டவிரோத கும்பலுக்கு உதவிய குற்றச்சாட்டு தொடர்பான பணமோசடி வழக்கில் முன்னாள் முதல்வரும் ஆளும் ஜார்க்கண்ட் முக்தி மோர்ச்சா (ஜேஎம்எம்) கட்சித் தலைவருமான ஹேமந்த் சோரன் கடந்த ஜனவரியில் அமலாக்கத் துறையால்கைது செய்யப்பட்டார். ராஞ்சியின் ஹாட்வார் பகுதியிலுள்ள பிர்ஸா முண்டா சிறையில் அவர் அடைக்கப்பட்டிருந்தார்.

இந்த வழக்கில் ஹேமந்த் சோரன் உள்பட 5 பேர் மீது நீதிமன்றத்தில் கடந்த சிறப்பு மார்ச் மாதத்தில் குற்றப்பத்திரிகை தாக்கல் செய்த அமலாக்கத்துறை, சோரனுக்குச் சொந்தமான ரூ.31 கோடி மதிப்புடைய 8.86 ஏக்கர் நிலத்தை முடக்கி நடவடிக்கை மேற்கொண்டது.