சென்னை 2-ஆம் கட்ட மெட்ரோ ரயில் திட்டத்துக்கு நிதி : மாநிலங்களவையில் திமுக எம்.பி.க்கள் கோரிக்கை

மத்திய நிதி நிலை அறிக்கையில் ஏற்கெனவே அறிவித்தபடி சென்னை 2-ஆம் கட்ட மெட்ரோ ரயில் திட்டத்திற்கு நிதி ஒதுக்க வேண்டும் என மாநிலங்களவையில் திமுக உறுப்பினர் கே.ஆர்.என். ராஜேஷ்குமார் சிறப்பு கவன ஈர்ப்பு விவாதத்தில் கோரிக்கை விடுத்தார். ஆனால், 'இது தமிழக அரசின் திட்டம்' என மத்திய அரசு குறிப்பிட்டுள்ளது.

சென்னை மெட்ரோ ரயில் லிமிடெட் நிறுவனத்தின் சார்பில் சென்னை மாநகரின் 2ஆம் கட்டத் திட்டத்துக்குக் கடந்த 2020-ஆம் ஆண்டு மத்திய உள்துறை அமைச்சர் அமித் ஷா அங்கீகாரம் அளித்தார். சுமார் ரூ.63,246 கோடி மதிப்பிலான இந்தத் திட்டத்துக்குப் பொருளாதார விவகாரங்களுக்கான மத்திய அமைச்சரவைக் குழு அனுமதி அளித்தது குறித்தும் இந்தத் திட்டத்துக்கான நிதி ஒதுக்கீடு செய்யப்படாதது குறித்தும் தமிழக உறுப்பினர்கள் நாடாளுமன்றத்தில் தொடர்ந்து பேசி வருகின்றனர்.