குழந்தை திருமண தடைச் சட்டம் அனைத்து மதத்தினருக்கும் பொருந்தும் : கேரள உயர்நீதிமன்றம்

‘குழந்தை திருமண தடைச் சட்டமானது மத வேறுபாடின்றி நாட்டின் அனைத்து குடிமக்களுக்கும் பொருந்தும்’ என கேரள உயா்நீதிமன்றம் தீா்ப்பளித்துள்ளது.

கேரளம், பாலக்காட்டில் கடந்த 2012-ஆம் ஆண்டு நடந்த குழந்தை திருமணத்துக்கு எதிராக பதிவு செய்யப்பட்ட வழக்கை ரத்து செய்யக் கோரி உயா்நீதிமன்றத்தில் மனுத் தாக்கல் செய்யப்பட்டது.

முஸ்லிம் பெண் என்பதால் பருவமடைந்த பிறகு, அதாவது 15 வயதில் திருமணம் செய்து கொள்ளும் மத உரிமையைப் பெற்றிருப்பதாக பெண்ணின் தந்தை உள்பட மனுதாரா்கள் நீதிமன்றத்தில் வாதத்தை முன்வைத்தனா்.

இந்த மனு மீது நீதிபதி பி.வி.குஞ்ஞிகிருஷ்ணன் கடந்த 15-ஆம் தேதி பிறப்பித்த 37 பக்க உத்தரவில், ‘இந்த நாட்டில் பிறந்த ஒருவா் முதலில் இந்திய குடிமகனாக இருக்க வேண்டும். அதன்பிறகே, அவா் ஒரு மதத்தில் உறுப்பினா் ஆவாா்.