தில்லி பயிற்சி மைய மாணவர்கள் உயிரிழப்பு: மேலும் 5 பேர் கைது

தில்லியில் தனியார் ஐஏஎஸ் தேர்வு பயிற்சி மையத்தில் மழை-வெள்ளம் புகுந்து 3 மாணவர்கள் உயிரிழந்த சம்பவம் தொடர்பாக மேலும் 5 பேர் கைது செய்யப்பட்டுள்ளதாக தில்லி காவல் துறை திங்கள்கிழமை தெரிவித்தது.

இந்த சம்பவம் தொடர்பாக பயிற்சி மையத்தின் உரிமையாளர் அபிஷேக் குப்தா, ஒருங்கிணைப்பாளர் தேஷ்பால் சிங் ஆகிய இருவரை தில்லி போலீஸார் ஞாயிற்றுக்கிழமை காலை கைது செய்தனர். இதைத் தொடர்ந்து, தனியார் ஐஏஎஸ் பயிற்சி மையத்தின் நூலகம் இயங்கி வந்த அடித்தளத்தின் உரிமையாளருட்பட மேலும் 5 பேர் இந்த வழக்கில் கைது செய்யப்பட்டுள்ளனர். தற்போது, இந்த வழக்கில் கைது செய்யப்பட்டவர்களின் மொத்த எண்ணிக்கை 7ஆக உயர்ந்துள்ளது.