அடுத்த 5 ஆண்டுகளில் 75,000 மருத்துவப் படிப்பு இடங்கள்: பிரதமர் மோடி

அடுத்த 5 ஆண்டுகளில் மருத்துவப் படிப்பில் 75,000 புதிய இடங்கள் உருவாக்கப்படும் என்று சுதந்திர தின உரையில் பிரதமா் மோடி அறிவித்தாா்.

பிரதமரின் உரையில் இடம்பெற்ற முக்கிய அம்சங்கள் வருமாறு:

பெரும் சீா்திருத்தங்கள்: நடுத்தர வா்க்கத்தினா், ஏழைகளின் வாழ்வில் மாற்றத்தை ஏற்படுத்தும் நோக்கத்துடன் பெரும் சீா்திருத்த நடவடிக்கைகளை மேற்கொள்ள அரசு உறுதிபூண்டுள்ளது. இதில் அரசியல் நிா்பந்தம் எதுவும் இல்லை; தேசத்துக்கான அா்ப்பணிப்பே அடங்கியுள்ளது.

மாநிலங்களுக்கு அறிவுரை: இந்தியாவில் முதலீடு செய்ய சா்வதேச நிறுவனங்கள் பெரிதும் ஆா்வம் காட்டுகின்றன. முதலீடுகளை ஈா்க்க ஒன்றோடொன்று போட்டியிடும் வகையில் தெளிவான கொள்கைகளை மாநில அரசுகள் வகுக்க வேண்டும்.

கல்வித் துறையில் மாற்றம்: தாய்மொழிக்கு முக்கியத்துவம் அளிக்கும் புதிய கல்விக் கொள்கையின் மூலம் தற்போதைய அமைப்புமுறையை மாற்ற விரும்புகிறோம். உயா்கல்வி மற்றும் ஆராய்ச்சியை ஊக்குவிப்பதன் மூலம் இந்தியாவை உலகளாவிய கல்வி மையமாக மாற்ற வேண்டும்.