குமரி அனந்தனுக்கு 'தகைசால் தமிழர்' விருது

காங்கிரஸ் கட்சியின் முதுபெரும் தலைவர் குமரி அனந்தனுக்கு, 'தகைசால் தமிழ் விருதை முதல்வர் மு.க.ஸ்டாலின் வழங்கினார்.

இதேபோன்று, இஸ்ரோ விஞ்ஞானி வீரமுத்து வேல், நீலகிரி மாவட்ட செவிலியர் சபீனா ஆகியோரையும், விருது வழங்கி முதல்வர் கௌரவித்தார்.

சென்னை தலைமைச் செயலக கோட்டை கொத்தளத்தில் வியாழக்கிழமை நடைபெற்ற சுதந்திர தினவிழா கொண்டாட்டத்தின் ஒருபகுதியாக தமிழக அரசின் விருதுகள் வழங்கப்பட்டன.

முதல்வரிடம் விருதுகள் பெற்றவர்கள் விவரம்: தமிழ்நாட்டுக் கும் தமிழினத்தின் வளர்ச்சிக்கும் பெரும்பங்காற்றியவர்களுக்கு ஆண்டுதோறும் 'தகைசால் தமிழ்' விருது வழங்கப்படுகிறது. நிகழாண்டு, காங்கிரஸ் கட்சியின் முதுபெரும் தலைவர் குமரி அனந்தன் க்கு முதல்வர் மு.க.ஸ்டாலின் வழங்கினார். வயதுமுதிர்வு காரணமாக, உதவியாளருடன் வந்து விருதைப் பெற்றார். இந்த விருது ரூ.10 லட்சம் காசோலை, பாராட்டுச் சான்றிதழ் அடங்கியது.

கலாம் - கல்பனா சாவ்லா விருதுகள்: அறிவியல், தொழில்நுட்பம், துணிவு சாகசச் செயல் ஆகிய பிரிவுகளில் சிறப்பாகச் செயல்படுவோருக்கான விருதுகளையும் முதல்வர் அளித்தார். அதன்படி, அறிவியல் தொழில்நுட்பத்துக்கான ஏ.பி.ஜெ. அப்துல் கலாம் பெயரிலான விருதை இஸ்ரோ விஞ்ஞானி ப.வீரமுத்துவேல் பெற்றார். சந்திரயான் 3 திட்ட இயக்குநராகப் பணி யாற்றி கவனத்தை ஈர்த்த அவருக்கு, ரூ.5 லட்சத்துக்கான காசோலை, தங்க முலாம் பூசப்பட்ட பதக்கம், பாராட்டுச் சான்றிதழ் முதல்வர் அளித்தார்.