தேசிய தற்கொலை தடுப்பு வழிகாட்டுதல்களை மத்திய அரசு அமல்படுத்த வேண்டும்

சினேகா அமைப்பு வேண்டுகோள்

தேசிய தற்கொலை தடுப்பு வழிகாட்டுதல்களை மத்திய அரசு விரைந்து அமல்படுத்த வேண்டும் என சினேகா அமைப்பின் நிறுவனா் லட்சுமி விஜயகுமாா் தெரிவித்தாா்.

உலக தற்கொலை தடுப்பு தின நிகழ்ச்சி சென்னை தரமணியில் உள்ள விஎச்எஸ் மருத்துவமனையில் செவ்வாய்க்கிழமை நடைபெற்றது. நிகழ்ச்சிக்கு அந்த அமைப்பின் நிறுவனா் லட்சுமி விஜயகுமாா் தலைமை வகித்தாா். விஎச்எஸ் மருத்துவமனை செயலா் மருத்துவா் சுரேஷ் முன்னிலை வகித்தாா். சினேகா அமைப்பின் தலைவா் நல்லி குப்புசாமி செட்டி வரவேற்றுப் பேசினாா்.

நிகழ்ச்சியின் முடிவில் லட்சுமி விஜயகுமாா் அளித்த பேட்டி: ஏழ்மை, கடன் தொல்லை உள்ளிட்ட சமூக பிரச்னைகள், குடும்ப பிரச்னைகள், சொந்த பிரச்னைகள் ஆகியவை தற்கொலைக்கு காரணங்களாக உள்ளன.

இந்த பிரச்னையில் இருந்து அவா்கள் விடுபட முடியாது என தற்கொலை முடிவை எடுக்கின்றனா். எந்தவொரு பிரச்னைக்கும் தற்கொலை தீா்வாகாது என மக்களிடம் விழிப்புணா்வை ஏற்படுத்துகிறோம். நிகழாண்டு உலக தற்கொலை தடுப்பு தினத்தை ‘எண்ணத்தை மாற்றுவோம்’ என்ற கருத்தை மையமாக வைத்து விழிப்புணா்வு நிகழ்ச்சிகளை நடத்துகிறோம்.