இணையவழி விளையாட்டு: மாணவர்களின் நடத்தையை தொடர்ந்து கண்காணிக்க தலைமைச் செயலர் அறிவுறுத்தல்

இணையவழி விளையாட்டுகளால் மாணவர்கள் பாதிப்பதைத் தடுக்க அவர்களின் கைப்பேசி பயன்பாடு மற்றும் நடத்தையை பெற்றோர், ஆசிரியர் தொடர்ந்து கண்காணிக்க வேண்டும் என தலைமைச் செயலர் நா.முருகானந்தம் கேட்டுக்கொண்டார்.

தமிழ்நாடு இணையவழி விளையாட்டு ஆணையம் சாா்பில் இணையவழி விளையாட்டுகளுக்கு அடிமையாகுதல் குறித்த விழிப்புணா்வு முகாம் சென்னையில் புதன்கிழமை நடைபெற்றது

இந்த முகாமை தலைமைச் செயலா் நா.முருகானந்தம் தொடங்கி வைத்துப் பேசியது:

இணையம் மூலம் நடத்தப்படும் சூதாட்டம் மற்றும் விளையாட்டுகளின் தீமையைக் கருத்தில் கொண்டு நாட்டில் முதல் முறையாக ‘ஆன்லைன் விளையாட்டு தடைச் சட்டத்தை’ தமிழக அரசு உருவாக்கியது. இதுபோன்ற சட்டங்கள் வேறு மாநிலங்களில் இதுவரை கொண்டுவரப்படவில்லை.