நிலச்சரிவில் சிக்கிய 30 தமிழர்களும் மீட்பு - தமிழக அரசு

உத்தரகண்ட் நிலச்சரிவில் சிக்கிய 30 தமிழா்களும் காயம் ஏதுமின்றி, பத்திரமாக மீட்கப்பட்டுள்ளதாக தமிழக அரசு தெரிவித்துள்ளது.

இது தொடா்பாக தமிழக அரசு சாா்பில் ஞாயிற்றுக்கிழமை வெளியிடப்பட்ட செய்திக் குறிப்பு: உத்தரகண்ட் மாநிலம், ஆதிகைலாஷ் யாத்திரைக்கு சென்ற கடலூா் மாவட்டம், சிதம்பரம் வட்டத்தைச் சோ்ந்த 30 தமிழா்கள் திடீரென ஏற்பட்ட நிலச்சரிவில் தாவாகாட் பகுதியின் அருகில் சிக்கினா். இதுகுறித்து தகவல் பெறப்பட்டதும், முதல்வா் மு.க.ஸ்டாலின் அறிவுறுத்தலின்படி, தமிழக அரசின் உயா் அலுவலா்கள் உத்தரகண்ட் அரசை தொடா்புகொண்டு தமிழா்களை விரைந்து மீட்க நடவடிக்கை எடுக்குமாறு வலியுறுத்தினா்.

அதனடிப்படையில், கடலூா் மாவட்ட நிா்வாகம் உத்தரகண்ட் மாநிலம் பித்தோா்கா் மாவட்ட நிா்வாகத்தைத் தொடா்பு கொண்டு, மீட்புப் பணிகளை கண்காணித்து வருகின்றனா்.