ரத்தன் டாடாவுக்கு அரசு மரியாதையுடன் விடை

ஆயிரக்கணக்கானோர் அஞ்சலி

மறைந்த பிரபல தொழிலதிபர் ரத்தன் டாடாவின் (86) உடல், மகாராஷ்டிர மாநிலம் மும்பையில் முழு அரசு மரியாதையுடன் வியாழக்கிழமை (அக்.10) தகனம் செய்யப்பட்டது.

ஆயிரக்கணக்கானோர் திரண்டு அவருக்கு உணர்வுபூர்வமாக இறுதி அஞ்சலி செலுத்தினர்.

முதுமை தொடர்பான பல்வேறு உடல்நல பாதிப்புகளால் மும்பை பிரீச் கேண்டி மருத்துவமனையில் திங்கள்கிழமை அனுமதிக்கப்பட்ட டாடா குழும முன்னாள் தலைவர் ரத்தன் டாடா, புதன்கிழமை (அக்.9) காலமானார். அவரது உடல், மும்பையில் உள்ள தேசிய கலை மையத் தில் இறுதி அஞ்சலி செலுத்துவதற்காக வியாழக்கிழமை வைக்கப்பட்டது.

இந்தியாவில் பெருமதிப்பை பெற்றவரும், சர்வதேச அளவில் அங்கீக ரிக்கப்பட்ட தொழில்துறை தலைவருமான ரத்தன் டாடாவுக்கு அரசுப் பதவி வகிப்போர், அரசியல் கட்சிகளின் தலைவர்கள், தொழில்துறை தலைவர்கள், பல்வேறு துறை பிரபலங்கள் உள்பட ஆயிரக்கணக்கானோர் அஞ்சலி செலுத்தினர்.

மத்திய அமைச்சர்கள் அமித் ஷா, பியூஷ் கோயல், மகாராஷ்டிர மாநில முதல்வர் ஏக்நாத் ஷிண்டே, துணை முதல்வர் தேவேந்திர ஃபட்னவீஸ், டாடாவின் குடும்பத்தினர், நெருங்கிய நண்பர்கள், நிறுவன உயரதிகாரிகள் உள்ளிட்டோர் இறுதி அஞ்சலி செலுத்தினர்.