அதிமுகவிலிருந்து நீக்கப்பட்டவர்களை சேர்க்க முடியாது

அதிமுகவில் இருந்து நீக்கப்பட்டவர்களை மீண்டும் கட்சியில் சேர்க்கும் பேச்சுக்கே இடமில்லை என்று பொதுச் செயலர் எடப்பாடி பழனிசாமி திட்டவட்டமாகத் தெரிவித்தார்.

அதிமுக 53-ஆவது ஆண்டு தொடக்க விழாவையொட்டி சென்னை ராயப்பேட்டையில் உள்ள கட்சியின் தலைமை அலுவலகத்தில் கட்சிக் கொடியை பொதுச் செயலர் எடப்பாடி பழனிசாமி வியாழக்கிழமை ஏற்றினார்.

எம்ஜிஆர், ஜெயலலிதா சிலைகளுக்கு மாலை அணிவித்து மரியாதை செலுத்தினார். அவரைத் தொடர்ந்து, மூத்த நிர்வாகிகளும் மரியாதை செலுத்தினர். ஏழை, எளியோருக்கு நல உதவிகள் வழங்குதல், அன்னதானத்தையும் எடப்பாடி பழனிசாமி தொடங்கி வைத்தார்.

பின்னர், செய்தியாளர்களிடம் அவர் கூறியதாவது: பிரிந்து கிடக்கும் அதிமுக மீண்டும் இணைய வாய்ப்பு இருக்கிறதா கேட்கிறீர்கள். பிரிந்து கிடக்கிறது என்று கூறுவதே தவறானது. ஒன்றுபட்ட அதிமுகவாகத்தான் தற்போது உள்ளது.