ஆந்திரத்தில் மூதாட்டி கொலை: சடலத்தை சூட்கேஸில் அடைத்து மீஞ்சூர் ரயில் நிலையத்தில் வீச முயன்ற தந்தை, மகள் கைது

ஆந்திர மாநிலத்தில் மூதாட்டியைக் கொன்று மீஞ்சூர் ரயில் நிலையத்தில் சூட்கேஸில் சடலத்தை வீச முயன்ற தந்தை, மகள் கைது செய்யப்பட்டனர்.

நெல்லூரில் இருந்து சென்னை சென்ட்ரல் நோக்கி வந்த புறநகர் மின்சார ரயில் திங்கள்கிழமை இரவு மீஞ்சூர் ரயில் நிலையம் வந்தது. அதிலிருந்து இறங்கிய தந்தை, மகள் இருவரும் சூட்கேஸ் ஒன்றை ரயில் நிலைய நடைமேடையில் இறக்கி வைத்துவிட்டு அங்கிருந்து வேகமாக செல்ல முற்பட்டனர்.

இதைக் கண்ட கும்மிடிப்பூண்டி ரயில்வே போலீஸார் விரைந்து சென்று அவர்களை மடக்கிப் பிடித்தனர். சூட்கேஸ் அருகே சென்று பார்த்தபோது அதிலிருந்து ரத்தம் கசிந்தது தெரியவந்தது.