பதிவு ரத்தான மருத்துவர்கள் பணியாற்றினால் கடும் நடவடிக்கை

மருத்துவ கவுன்சிலில் இருந்து பதிவு நீக்கம் செய்யப்பட்ட மருத்துவர்கள், விதிகளுக்கு புறம்பாக தொடர்ந்து பணியாற்றினால் கடும் நடவடிக்கை எடுக்கப்படும் என தமிழக மருத்துவ கவுன்சில் பதிவாளர் எச்சரித்துள்ளார்.

அத்தகைய செயலில் ஈடுபட்ட மருத்துவர் ஒருவர் மீது சட்ட நடவடிக்கை முன்னெடுக்கப்பட்டுள்ளதாகவும் அவர் தெரிவித்துள்ளார்.

இதுதொடர்பாக மாநில மருத்துவ கவுன்சில் பதிவாளர் டாக்டர் காமராஜ் வெளியிட்டுள்ள செய்திக் குறிப்பு: மருத்துவப் பணியில் அலட்சியம், நெறியற்ற கட்டண விதிப்பு, தொழில்சார்ந்த தவறுகள், முறைகேடுகள் என பல்வேறு புகார்களுக்கு உள்ளான டாக்டர் எஸ். தினேஷ் (பதிவு எண் 61971) மீதான புகார்களில் முகாந்திரம் இருப்பது உறுதியானதால் அவர் மீது ஒழுங்கு நடவடிக்கை எடுக்கப்பட்டது.