மீண்டும் எம்ஹெச்370 விமான தேடுதல் வேட்டை

கோலாலம்பூர், நவ. 7: இந்திய பெருங்கடல் பகுதியில் கடந்த 2014-ஆம் ஆண்டு மர்மமான முறையில் மாயமான மலேசியன் ஏர்லைன்ஸ் நிறுவனத்தின் எம்ஹெச்370 விமானத்தைத் தேடும் பணி மீண்டும் நடைபெறவுள்ளதாக மலேசிய அரசு அறிவித்துள்ளது.

இது குறித்து அந்த நாட்டு போக்குவரத்துத் துறை அமைச்சர் ஆன்டனி லோக் கூறியதாவது:

எம்ஹெச்370 விமானம் தொடர்பான நிபுணர்களின் அண்மைக் கால அறிக்கைகள், பகுப்பாய்வுகளின் அடிப்படையில், அதை மீண்டும் தேடித் தர அமெரிக்காவின் ஓஷன் இன்ஃபினிட்டி நிறுவனம் முன்வந்துள்ளது.

அந்தக் கோரிக்கை ஏற்றுக்கொள்ளும் வகையில் அமைந்துள்ளதால் புதிய தேடுதல் வேட்டைக்கு ஒப்புதல் தர முடிவு செய்யப்பட்டுள்ளது.

தேவைப்பட்டால் இதற்கான அமைச்சரவை ஒப்புதலும் பெறப்படும் என்றார் அவர்.