சென்செக்ஸ் 836 புள்ளிகள் வீழ்ச்சி

கடந்த இரண்டு நாள்களாக ஏறுமுகத்தில் இருந்து வந்த பங்குச்சந்தை வியாழக்கிழமை எதிர்மறையாக முடிந்தது. இதைத் தொடர்ந்து, மும்பை பங்குச் சந்தைக் குறியீட்டு எண்ணான சென் செக்ஸ் 836 புள்ளிகளை இழந்தது.

- நமது நிருபர்

கடந்த இரண்டு நாள்களாக ஏறுமுகத்தில் இருந்து வந்த பங்குச்சந்தை வியாழக்கிழமை எதிர்மறையாக முடிந்தது. இதைத் தொடர்ந்து, மும்பை பங்குச் சந்தைக் குறியீட்டு எண்ணான சென் செக்ஸ் 836 புள்ளிகளை இழந்தது. அமெரிக்கா, ஐரோப்பிய சந்தைகளில் வர்த்தகம் நேர்மறையாக இருந்தன. ஆனால், ஆசிய சந்தை குறிப்புகள் பலவீனமாக இருந்தன. இருப்பினும், உள்நாட்டுச் சந்தை உற்சாகத்துடன் தொடங்கினாலும் மேலே செல்ல முடியாமல் தவிப்பில் இருந்தது.

அமெரிக்க மத்திய வங்கியான ஃபெடரல் ரிசர்வ் வட்டி விகித முடிவுகளுக்காக முதலீட்டாளர்கள் காத்திருப்பதால் சந்தையில் அவர்களது பங்களிப்பு குறைவாக இருந்தது.

மேலும், அந்நிய நிறுவன முதலீட்டாளர்கள் பங்குகளை விற்று முதலீடுகளை தொடர்ந்து வாபஸ் பெற்று வருவது சந்தையில் தாக்கத்தை ஏற்படுத்தியுள்ளது.