சிங்கப்பூர் தேவாலயத்தில் பாதிரியாருக்கு கத்திக்குத்து

சிங்கப்பூரில் கத்தோலிக்க தேவாலயத்தில் சிறார்களுக்கான கூட்டுப் பிரார்த்தனையில் ஈடுபட்டிருந்த பாதிரியார் கத்தியால் குத்தப்பட்ட சம்பவம் பரபரப்பை ஏற்படுத்தியுள்ளது.

காயமடைந்த பாதிரியார் மருத்துவமனையில் அனுமதிக்கப்பட்டுள்ளார். தாக்குதல் நடத்திய இலங்கையின் சிங்கள இனத்தைச் சேர்ந்த 37 வயது நபர் கைது செய்யப்பட்டுள்ளார். மத அடிப்படையில்தான் இந்தத் தாக்குதல் நடத்தப்பட்டுள்ளது. ஆனால், பின்னணியில் பயங்கரவாத அமைப்பு ஏதும் இருப்பதாகத் தெரியவில்லை என்று சிங்கப்பூர் காவல்துறையினர் தெரிவித்தனர்.