முதுநிலை ஆசிரியர் பணித் தேர்வு: புதிய பாடத்திட்டம் அரசிதழில் வெளியீடு

முதுநிலை ஆசிரியர் பணித் தேர்வுக்கான பாடத்திட்டம் 10 ஆண்டுகளுக்குப் பிறகு மாற்றப்பட்டு அரசிதழில் வெளியிடப்பட்டுள்ளது.

தமிழகத்தில் அரசுப் பள்ளிகளில் பட்டதாரி, முதுநிலை ஆசிரியர், சிறப்பாசிரியர் (தையல், உடற்கல்வி உட்பட), வட்டாரக் கல்வி அலுவலர் உள்ளிட்ட பணியிடங்கள் நேரடி நியமன முறையில் ஆசிரியர் தேர்வு வாரியம் (டிஆர்பி) மூலம் நிரப்பப்பட்டு வருகின்றன.

ஆசிரியர் பணியில் உள்ள காலியிடங்களில் பதவி உயர்வு மூலம் 50 சதவீதமும், நேரடி நியமனம் வாயிலாக 50 சதவீதமும் நிரப்பப்படுவது வழக்கம்.

இதற்கிடையே, முதுநிலை ஆசிரியர் தேர்வைப் பொருத்த வரை கடந்த 10 ஆண்டுகளுக்கு மேலாக பாடத்திட்டம் மாற்றப்படவில்லை.