பிந்தும் பிசானப் பட்டமும் பிறழும் பயறு சாகுபடியும்

சானப் பட்டம் என்பது நெல்விதைப்பு, நடவு தொடங்கும் காலத்தையும் விளைச்சல் கால அளவையும் குறிக்கும் நெல் பருவமாகும்.

- மா.இராமச்சந்திரன்

புரட்டாசி, ஐப்பசியில் தொடங்கும் இப்பருவம் மார்கழி, தையில் முடிவடையும். ஏறத்தாழ 135 நாட்கள் கொண்ட இப்பருவம் மத்திய, நீண்ட கால ரக நெல் சாகுபடி செய்ய ஏற்றதாகும். எந்த ரக நெல்லாக இருந்தாலும் விளைந்து தையில் தொடங்கும் அறுவடை மாசி மாத இடையில் நிறைவடைந்து விடும். அதற்குப் பின் உளுந்து, பாசிப்பயறு, தட்டாம்பயறு (பெரும்பயறு), எள் போன்ற பயறு வகைகளைப் பயிரிடுவது இப்பகுதியினரின் நடைமுறை. உழுந்து, எள் பயிரிட மாசிப்பட்டம் ஏற்றது.

திருநெல்வேலி, தூத்துக்குடி மாவட்டங்களில் உள்ள 86,000 ஏக்கர் நன்செய் நிலங்கள், பிசானபருவ சாகுபடிக்கு, மணிமுத்தாறு, பாபநாசம் அணைகளின் தண்ணீரை நம்பி உள்ளன.

இப்பகுதியில் ஆவணி மாதத்தில் நாற்று (நெல்) பாவி, புரட்டாசி மாதத்தில் நடுவை நடந்துவிடும். தை, மாசியில் அறுவடையாகிவிடும். அது மாசிப்பட்டத்தில் உளுந்து ஊன்ற வாய்ப்பாக இருக்கும். அண்மைக்காலமாக ஆவணி மாதத்தில் அணைகளில் நீர் குறைவாக இருப்பதால் தண்ணீர் வரத்து இல்லாமல் நாற்றுப்பாவுவது பிந்தி, நாற்று நடுதலும் பிந்தி விடுகின்றது. அதனால் அறுவடையும் பிந்தவதால் உளுந்து போன்ற சாகுபடி பிந்தி விடுகிறது. இந்த ஆண்டு இப்போதுதான் பிசானப் பருவத்திற்கான தண்ணீர் திறக்கப்பட்டது.