கரோனா தொற்றால் உயிரிழப்பு: உடலை மறு அடக்கம் செய்ய இடைக்காலத் தடை

கரோனா தொற்று காரணமாக உயிரிழந்தவரின் உடலைத் தோண்டி எடுத்து சொந்த ஊரில் மறு அடக்கம் செய்ய இடைக்கால தடை விதித்து சென்னை உயர்நீதிமன்றம் உத்தரவிட்டுள்ளது.

கரோனா தொற்றால் பாதிக்கப்பட்ட சென்னை பாடியில் வசித்து வந்த ஆஸ்டின் என்பவர் கடந்த 2020 ஆக.15-ஆம் தேதி உயிரிழந்தார். அவரது உடல் அம்பத்தூர் மயானத்தில் அடக்கம் செய்யப்பட்டது.

4 ஆண்டுகள் கடந்த நிலையில், ஆஸ்டின் உடலைத் தோண்டி எடுத்து, சொந்த ஊரான கன்னியாகுமரி மாவட்டத்தில் உள்ள கல்லுக்கூட்டம் உள்ள மயானத்தில் அடக்கம் செய்ய அனுமதி கோரி ஆஸ்டினின் மனைவி ஜெயா விண்ணப்பித்திருந்தார்.