மயிலாடுதுறையில் காவிரி துலா உற்சவ கடைமுகத் தீர்த்தவாரி

ஆயிரக்கணக்கானோர் புனித நீராடல்

மயிலாடுதுறை, நவ. 15: மயிலாடுதுறையில் காவிரி துலாகட்ட உற்சவ கடைமுகத் தீர்த்தவாரி வெள்ளிக்கிழமை நடைபெற்றது.

கோடிக்கணக்கான பக்தர்கள் புனித நீராடியதால் ஏற்பட்ட பாவச்சுமை காரணமாக கருமை நிறம் அடைந்த கங்கை, யமுனை, சரஸ்வதி உள்ளிட்ட புண்ணிய நதிகள் மயிலாடுதுறை காவிரி துலா கட்டத்தில் ஐப்பசி மாதத்தின் 30 நாள்களும் நீராடி சிவனை வழிபட்டு, தங்கள் பாவச்சுமைகளை போக்கிக் கொண்டதாக ஐதீகம்.

இதன் அடிப்படையில் இங்கு ஆண்டுதோறும் ஐப்பசி மாதம் முழுவதும் சிவாலயங்களில் இருந்து சுவாமிகள் புறப்பாடு, தீர்த்தவாரி உற்சவம் நடைபெறுவது வழக்கம்.