பாரதம் குறித்து குழந்தைகளுக்கு விளக்க வேண்டும்: ஆளுநர் ஆர்.என்.ரவி

குழந்தைகளுக்கு பாரதம் குறித்து விளக்க வேண்டிய கடமை நமக்கு உள்ளது என ஆளுநர் ஆர்.என்.ரவி கூறினார்.

சென்னை கிண்டி ஆளுநர் மாளிகையில் சனிக்கிழமை திருவள்ளுவர்-கபீர்தாஸ் -யோகி வேமனா ஆகிய மூவரின் மொழியியல் மற்றும் இலக்கியத் திறன் குறித்த ஒப்பிட்டு கவிதை நோக்கில் ஆய்வு செய்யும் பன்மொழி பன்னாட்டு கருத்தரங்க நிகழ்ச்சியில் ஆளுநர் ஆர்.என்.ரவி சிறப்பு விருந்தினராக பங்கேற்று பேசியதாவது:

இரண்டு நாள்கள் அறிவு சார் கலந்துரையாடல் கூட்டம் நடைபெற்றது மகிழ்ச்சி அளிக்கிறது. நாட்டின் வெவ்வேறு இடங்களில் இவர்கள் பிறந்தாலும், வேற்றுமையில் ஒற்றுமையை வலியுறுத்தினர். இந்திய இலக்கியங்களை எந்த மொழியில் படித்தாலும் ஒற்றுமையை மட்டுமே மீண்டும் மீண்டும் வலியுறுத்துவதை காணலாம்.