மணிப்பூர் தொடர்ந்து பற்றி எரிய பாஜக விரும்புகிறது

புது தில்லி, நவ. 17: மணிப்பூர் மாநிலம் வன்முறையால் தொடர்ந்து பற்றி எரிய வேண்டும் என்று மத்தியில் ஆளும் பாஜக விரும்புவதாக காங்கிரஸ் தேசியத் தலைவர் மல்லிகார்ஜுன கார்கே ஞாயிற்றுக்கிழமை குற்றஞ்சாட்டினார்.

ஜிரிபாம் மாவட்டத்தில் தீவிரவாதிகளால் கடத்திச் செல்லப்பட்ட 6 பேர் கொல்லப்பட்ட சம்பவத்தைக் கண்டித்து மாநிலத்தின் பல்வேறு பகுதிகளில் சனிக்கிழமை பெரும் போராட்டம் வெடித்தது.

இம்பாலில் 3 அமைச்சர்கள் மற்றும் 6 பாஜக எம்எல்ஏக்களின் வீடுகள் போராட்டக்காரர்களால் முற்றுகையிடப்பட்டன.

கடைகள், வர்த்தக நிறுவனங்கள் அடைக்கப்பட்டன. பள்ளி மற்றும் கல்லூரிகளுக்கு சனிக்கிழமை விடுமுறை அளிக்கப்பட்டது.

இம்பால் கிழக்கு, இம்பால் மேற்கு உள்பட 5 மாவட்டங்களில் ஊரடங்கு உத்தரவு பிறப்பிக்கப்பட்டது.

இந்த மாவட்டங்களில் இணைய சேவையும் முடக்கப்பட்டது.