சம்பல் வன்முறை: சமாஜவாதி எம்.பி., எம்எல்ஏ மகன் மீது வழக்கு

சம்பல்,நவ.25: உத்தர பிரதேச மாநிலம், சம்பல் பகுதியில் கோயிலை இடித்து கட்டப்பட்டதாக கூறி மசூதியில் நடத்தப்பட்ட ஆய்வுக்கு எதிராக நிகழ்ந்த வன்முறை சம்பவம் தொடர்பாக சமாஜவாதி எம்.பி. ஜியா-உர்-ரஹ்மான் பார்க், எம்எல்ஏ இக்பால் மெஹ்மூத் மகன் சூஹைல் இக்பால் உள்ளிட்டோர் மீது காவல் துறையினர் 7 வழக்குகளை பதிவு செய்தனர்.

பதற்றத்தை தவிர்க்க நவ. 30-ஆம் தேதிவரை சம்பல் மாவட்டத்துக்குள் வெளிநபர்கள் நுழைவதற்கு தடை விதிக்கப்பட்டுள்ளதுடன் சம்பல் வட்டத்தில் மட்டும் இணைய சேவை துண்டிக்கப்பட்டுள்ளது. அந்த மாவட்ட பள்ளிகளுக்கு திங்கள்கிழமை விடுமுறை அளிக்கப்பட்டது.