மசூதிகளில் ஆய்வு: மோகன் பாகவத்தின் அறிவுரைக்கு பாஜக செவிசாய்க்கவில்லை - கார்கே குற்றச்சாட்டு

நாட்டில் உள்ள ஒவ்வொரு மசூதியிலும் ஆய்வு மேற்கொள்ள முயலும் பாஜக, ஆர்எஸ்எஸ் தலைவர் மோகன் பாகவத்தின் அறிவுரைக்கு செவிசாய்க்கவில்லை என காங்கிரஸ் கட்சியின் தேசியத் தலைவர் மல்லிகார்ஜுன கார்கே குற்றஞ்சாட்டினார்.

உத்தர பிரதேசத்தின் சம்பல் பகுதியில் ஜாமா மசூதி அமைந்துள்ள இடத்தில் பாரம்பரியமிக்க ஹரிஹர கோயில் இருந்ததாக தொடரப்பட்ட வழக்கில், நீதிமன்ற உத்தரவு படி அங்கு ஆய்வு நடத்த எதிர்ப்பு தெரிவித்து வன்முறை வெடித்தது. இந்தச் சூழலில், மேற்கண்ட கருத்தை கார்கே தெரிவித்துள்ளார்.