எதிர்க்கட்சிகளின் கருத்துச் சுதந்திரத்தை பறிக்கிறார் தன்கர்

மாநிலங்களவையில் கருத்துச் சுதந்திரத்தை அவைத் தலைவரும் குடியரசுத் துணைத் தலைவருமான ஜகதீப் தன்கர் தொடர்ந்து பறித்து வருவதாக காங்கிரஸ் தேசியத் தலைவர் மல்லிகார்ஜுன கார்கே வியாழக்கிழமை குற்றஞ்சாட்டினார்.

மாநிலங்களவையில் ஜனநாயகத்தின் குரல்வளை தொடர்ந்து நசுக்கப்படுவது ஒரு நடைமுறையாகவே மாறிவிட்டதாகவும் அவர் தெரிவித்தார்.

இதுகுறித்து தனது எக்ஸ் வலைத்தளத்தில் அவர் வெளியிட்ட பதிவில் கூறியிருப்பதாவது:

எதிர்க்கட்சிகளின் பேச்சுரிமை மற்றும் கருத்துரிமையைப் பறிப்பது, உண்மையை அழிப்பது என தொடர்ந்து தனது அதிகாரத்தை ஜகதீப் தன்கர் தவறாகப் பயன்படுத்தி வருகிறார்.