மறைந்தார் மன்மோகன் சிங் (92)

முன்னாள் பிரதமர் மன்மோகன் சிங் (92) தில்லியில் வியாழக்கிழமை காலமானார்.

தனது இல்லத்தில் வியாழக்கிழமை சுயநினைவை இழந்த நிலையில் தில்லி எய்ம்ஸ் மருத்துவமனையில் வியாழக்கிழமை இரவு 8.06 மணிக்கு அனுமதிக்கப்பட்ட மன்மோகன் சிங், இரவு 9.51 மணிக்கு உயிரிழந்ததாக அந்த மருத்துவமனை அதிகாரபூர்வமாக அறிவித்தது.

2004 முதல் 2014 வரையில் இரு முறை பிரதமராக மன்மோகன் சிங் பதவி வகித்துள்ளார் என்பது குறிப்பிடத்தக்கது.

மன்மோகன் சிங் மறைந்த செய்தி அறிந்தவுடன் காங்கிரஸ் முன்னாள் தலைவர் சோனியா காந்தி, அவரது மகள் பிரியங்கா காந்தி ஆகியோர் எய்ம்ஸ் மருத்துவமனைக்கு விரைந்தனர்.

கடந்த 2004-ஆம் ஆண்டு முதல் 2014 -ஆம் ஆண்டு வரை இந்தியாவின் 14-ஆவது பிரதமராக மன்மோகன் சிங் பதவி வகித்தார். 1991-ஆம் ஆண்டுமுதல் மாநிலங்களவை உறுப்பினராக தேர்ந்தெடுக்கப்பட்டு வந்த அவர் நிகழாண்டு ஏப்ரல் மாதத்தில் அரசியலில் இருந்து ஓய்வு பெற்றார்.