முதலீட்டுத் திட்டத்தின் பெயரில் பணம் பறிக்கும் புதிய இணைய மோசடி

நாட்டின் வேலையில்லாத இளைஞர்கள், இல்லத்தரசிகள், மாணவர்கள் மற்றும் நிதித்தேவையுள்ள நபர்களை குறிவைத்து முதலீட்டுத் திட்டத்தின் பெயரில் பணம் பறிக்கும் புதிய இணையவழி (சைபர்) மோசடி வெளிவந்துள்ளதாக மத்திய உள்துறை அமைச்சகத்தின் சமீபத்திய ஆண்டு அறிக்கையில் எச்சரிக்கப்பட்டுள்ளது.

இந்த குற்றங்களில் ஈடுபட கூகுள் சேவை தளங்களை குற்றவாளிகள் பயன்படுத்துகின்றனர் என்றும் அறிக்கையில் குறிப்பிடப்பட்டுள்ளது.

சர்வதேச அளவில் எல்லைக்கு அப்பால் இருந்து செயல்படும் இந்தக் குற்றவாளிகள், 'கிரிப்டோ கரன்சி' அல்லது வேறு சில லாபகரமான திட்டங்களில் முதலீடு செய்யுமாறு கூகுள் விளம்பரங்கள் மூலம் அப்பாவி பொதுமக்களை ஊக்குவிக்கின்றனர்.

குற்றவாளிகளை நம்பி முதலீடு செய்யும் மக்கள், இறுதியில் பணத்தை இழக்கின்றனர்.