விளையாட்டு வீரர்களுக்கு பொருளாதாரம் தடையாக இருக்கக் கூடாது

துணை முதல்வர் உதயநிதி ஸ்டாலின்

விளையாட்டு வீரர்களுக்கு பொருளாதாரம் தடையாக இருக்கக் கூடாது என்று துணை முதல்வர் உதயநிதி ஸ்டாலின் கூறினார். இதற்கான நடவடிக்கைகளை தமிழக அரசு எடுத்து வருவதாகவும் அவர் தெரிவித்தார்.

இளைஞர் நலன் மற்றும் விளையாட்டு மேம்பாட்டுத் துறை சார்பில் பல்வேறு திட்டப் பணிகளின் தொடக்கம் மற்றும் அடிக்கல் நாட்டு விழா சென்னையில் செவ்வாய்க்கிழமை நடைபெற்றது. துணை முதல்வர் உதயநிதி ஸ்டாலின் தலைமையில் நடைபெற்ற நிகழ்வில், பல்வேறு மாவட்டங்களில் மாவட்ட விளையாட்டு வளாகங்கள், ஒலிம்பிக் அகாதெமிகள், பாரா விளையாட்டு அரங்குகள் கட்டுவதற்கு அவர் அடிக்கல் நாட்டினார்.

மேலும், திருப்பத்தூர் மாவட்டம் ஏலகிரியில் ரூ.4.93 கோடியில் கட்டப்பட்ட புதிய உள்விளையாட்டரங்கத்தை திறந்து வைத்து, பல்வேறு போட்டிகளில் பதக்கங்களை வென்ற 1,021 வீரர்களுக்கு உயரிய ஊக்கத் தொகைகளை அவர் அளித்தார்.