રેબેકા ગૉથિક લાગણીઓનું ઘોડાપુર?

આ જ રીતે ગોથિક શીલ્પ કલા વિકસી છે જેમાં બારમીથી વીસમી સદીમાં સમગ્ર યુરોપમાં એવા મકાનો બન્યા જે ભૂત રુવે ભેકારની લાગણી ઊભી કરાવે જ!

ફ્રેન્ચ લેખિકા દોફીન દ’મુરિયરની વિશ્વપ્રસિદ્ધ નવલકથા અને આજે પણ વાંચવાલાયક પહેલી સો નવલકથાઓ પૈકીની એક “રેબેકા” પ્રસિધ્ધિના 84મા વર્ષે પણ અજેય છે અને આ જ નવલકથા પરથી 1940માં આલ્ફ્રેડ હીચકોકે બનાવેલ બ્લેક એન્ડ વ્હાઇટ ફિલ્મ આજે પણ તેની ગોથિક લાગણીઓ માટે જાણીતી છે,તો છેવટે આ ગોથિક છે શું? ગોથિક સાહિત્યમાં ભય, અદ્રશ્ય તાકાત, રહસ્ય, કોઈ ભૂત-પ્રેતની કનડગત, કોઈ એવી ભવિષ્યવાણી જે વર્તમાનના બનાવો સાથે સંકળાયેલી હોય,ન સમજી શકાય તેવા પ્રસંગો અને પીડાદાયક સ્ત્રીનું ચરિત્રચિત્રણ!આ બધા તત્વો કાં તો દરિયા કિનારે મહેલમાં હોય યા ભૂતાવળ ધરાવતી હવેલીમાં હોય. આમ આ નવ રંગ ભેગા થાય ત્યારે ગોથિક સાહિત્ય રચાય,જે યુરોપમાં બારમી સદીથી શરૂ કરી વીસમી સદીના મધ્ય સુધી સમાજજીવન,થિયેટર, ઓપેરા, સાહિત્ય, કાવ્યો અને ટીવીને ધુણાવતું રહ્યું છે અને છેલ્લા 84 વર્ષમાં પણ દર સોમી સાહિત્યિક કૃતિ કે પિકચર કે ટીવી સિરિયલો ગોથિક પર નિર્ભર છે! આ જ રીતે ગોથિક શીલ્પ કલા વિકસી છે જેમાં બારમીથી વીસમી સદીમાં સમગ્ર યુરોપમાં એવા મકાનો બન્યા જે ભૂત રુવે ભેકારની લાગણી ઊભી કરાવે જ! પેરીસમાં નોર્ટ ડેમ કેથેડ્રલ (ચર્ચ) તેનો અદ્ભૂત નમુનો છે પણ હાલ સમારકામ ચાલી રહ્યું હોઈ ટુરિસ્ટો માટે 2024માં ખૂલશે ત્યાં સુધી લંડન, બેલ્જિયમ,જર્મની, ગ્રીસ, ઈટલી, સ્પેન, નેધરલેન્ડ્સના કેથેડ્રલ અને ચર્ચ જોઈ લેવા !