ആശ്വാസ ജയത്തിനായി ഇന്ത്യ

പരമ്പര പിടിക്കാൻ സൗത്താഫ്രിക്ക

വിശാഖപട്ടണം: ഇന്ത്യ-ദക്ഷിണാഫ്രിക്ക മൂന്നാം ടി20 ഇന്ന് വിശാഖപട്ടണത്ത് നടക്കുകയാണ്. ആദ്യ രണ്ട് മത്സരവും ജയിച്ച സന്ദർശകരായ ദക്ഷിണാഫ്രിക്ക അഞ്ച് മത്സര പരമ്പരയിൽ 2-0ന് മുന്നിലാണ്. അതുകൊണ്ട് തന്നെ മൂന്നാം മത്സരവും ജയിച്ച് പരമ്പര നേടാനുറച്ചാവും ദക്ഷിണാഫ്രിക്ക ഇറങ്ങുക. ഇന്ത്യയെ സംബന്ധിച്ച് വിശാഖ പട്ടണത്തിലേത് അഭിമാന പോരാട്ടമാണ്. തോറ്റാൽ ഹാട്രിക് തോൽവിയെന്ന നാണക്കേടോടെ പരമ്പര കൈവിടേണ്ടി വരും. ഇത് സംഭവിക്കാതിരിക്കാൻ ഇന്ത്യക്ക് എന്ത് വിലകൊടുത്തും മത്സരം ജയിക്കേണ്ടതായുണ്ട്. വൈകീട്ട് 7നാണ് മത്സരം.

ഇന്ത്യൻ ടീമിൽ മാറ്റം

ആദ്യ രണ്ട് മത്സരവും തോറ്റ ഇന്ത്യ മൂന്നാം മത്സരത്തിൽ ടീമിൽ മാറ്റം വരുത്തുമെന്നുറപ്പ്. സ്പിൻ ഓൾറൗണ്ടർ അക്ഷർ പട്ടേലിന് പകരം ഇന്ത്യ ദീപക് ഹൂഡയെ പരിഗണിച്ചേക്കും. ഇന്ത്യക്ക് നന്നായി ബാറ്റ് ചെയ്യാൻ കെൽപ്പുള്ള സ്പ്പിൻ ഓൾറൗണ്ടറെ അത്യാവശ്യമാണ്. അക്ഷർ തുടർച്ചയായി നിരാശപ്പെടുത്തുന്ന സാഹചര്യത്തിൽ ഇന്ത്യ ഹൂഡയെ ടീമിലേക്ക് പരിഗണിക്കാനാണ് സാദ്ധ്യത കൂടുതൽ.