1000ലേറെ മരണം

അഫ്ഗാനിൽ നാശം വിതച്ച് ഭൂകമ്പം 1500 പേർക്ക് പരിക്ക്

കാബൂൾ: അഫ്ഗാനിസ്ഥാനിൽ ഇന്നലെയുണ്ടായ ഭൂചലനത്തിൽ 1000 ലേറെ പേർ മരിച്ചു. റിക്ടർ സ്കെയിൽ 6.1 തീവ്രത രേഖപ്പെടുത്തിയ ഭൂചലനമാണ് അഫ്ഗാനിലുണ്ടായത്.

1500ലേറെ പേർക്ക് പരിക്കേറ്റതായും മരണ സംഖ്യ ഇനിയും ഉയരാൻ സാധ്യതയുണ്ടെന്നും അധികൃതർ അറിയിച്ചു. നഗരത്തിൽ നിന്ന് 44 കിലോമീറ്റർ അകലെ പാക്ക് അതിർത്തിയോടു ചേർന്നാണ് ഭൂചലനം ഉണ്ടായതെന്ന് ജിയോളജിക്കൽ സർവെ ഓഫ് യുഎസ് അറിയിച്ചു.

അതിശക്തമായ ഭൂകമ്പമാണുണ്ടായതെന്നും അതിന്റെ ഞെട്ടലിൽ നിന്ന് ജനങ്ങൾ മുക്തമായിട്ടില്ലെന്നും പെഷവറിലെ ജനങ്ങൾ പറഞ്ഞു. തകർന്ന വീടുകളുടേയും ബ്ലാങ്കറ്റുകൾ കൊണ്ട് മൂടിയ മൃതദേഹങ്ങളുടേയും ചിത്രങ്ങൾ അഫ്ഗാനിൽ നിന്നും പുറത്ത് വരുന്നുണ്ട്.