തെന്നിന്ത്യൻ തേരോട്ടം

അപർണ നടി, സൂര്യ, അജയ് ദേവ്ഗൺ നടൻമാർ

 68-ാമത് ദേശീയ ചലച്ചിത്രപുരസ്കാരം; മലയാളത്തിനും തമിഴിനും അഭിമാന നേട്ടം സച്ചി മികച്ച സംവിധായകൻ, ബിജുമേനോൻ സഹനടൻ

ന്യൂഡൽഹി: 68മത് ദേശീയ ചലച്ചിത്ര പുരസ്ക്കാരങ്ങൾ പ്രഖ്യാപിച്ചു. സൂറൈ പോട്രിലെ അഭിനയത്തിന് അപർണ ബാലമുരളി മികച്ച നടിയായി. സൂര്യയും അജയ് ദേവ് ഗണുമാണ് മികച്ച നടന്മാർ.

അയ്യപ്പനും കോശിയിലെ അഭിനയത്തിന് ബിജു മേനോനും അർഹനായി. നഞ്ചിയമ്മയാണ് മികച്ച പിന്നണി ഗായിക. അന്തരിച്ച സംവിധായകൻ സച്ചിക്കാണ് മികച്ച സംവിധായകനുള്ള പുരസ്കാരം. മികച്ച ചിത്രം സൂര്യ നായകനായ സുരൈപോട്രെ ആണ്.

 വിപുൽ ഷാ അധ്യക്ഷനായ ജൂറിയാണ് ജേതാക്കളെ പ്രഖ്യാപിച്ചത്. അയ്യപ്പനും കോശിയും നാല് അവർഡുകളാണ് ലഭിച്ചത്.