ആവേശ്വോജ്വല ജയം, പരമ്പര തൂത്തുവാരാൻ ഇന്ത്യ നാളെ ഇറങ്ങും

ഇന്ത്യയുടെ ബാറ്റിങ് നിരയുടെ പ്രകടനം പരമ്പരയിൽ ശ്രദ്ധേയമാണ്.

പോർട്ട് ഓഫ് സ്പെയിൻ: അർദ്ധസെഞ്ചറികളിൽ കൊരുത്തെടുത്ത തകർപ്പൻ റൺചേസുമായി ഇന്ത്യൻ ബാറ്റർമാർ നിറഞ്ഞാടിയതോടെ തുടർച്ചയായ രണ്ടാം ഏകദിനത്തിലും വിജയത്തിന്റെ വക്കിൽനിന്ന് തോൽവിയിലേക്കു വഴുതി വെസ്റ്റിൻഡീസ്. ടോസ് നേടി ബാറ്റിങ് തിരഞ്ഞെടുത്ത വിൻഡീസ് നിശ്ചിത 50 ഓവറിൽ നേടിയത് ആറു വിക്കറ്റ് നഷ്ടത്തിൽ 311 റൺസ്.

മറുപടി ബാറ്റിങ്ങിൽ അയ്യർ, സഞ്ജു, അക്ഷർ എന്നിവർ തിളങ്ങിയതോടെ രണ്ടു പന്തും രണ്ടു വിക്കറ്റും ബാക്കിയാക്കി ഇന്ത്യ വിജയത്തിലെത്തി. ഇതോടെ മൂന്നു മത്സരങ്ങളടങ്ങിയ പരമ്പരയും ഇന്ത്യ ഉറപ്പാക്കി.