പുന്നമടക്കായലിന്റെ ഓളങ്ങളിൽ തുഴയെറിഞ്ഞ് രാഹുൽ ഗാന്ധി

വിജയികളായവർക്കൊപ്പം ആഹ്ലാദം പങ്കിടുക്കുകയും മത്സരത്തിൽ പങ്കെടുത്ത വള്ളക്കാർക്ക് സ്നേഹോപഹാരം നൽകിയശേഷവുമാണ് രാഹുൽ ഗാന്ധി മടങ്ങിയത്.

ആലപ്പുഴ: പുന്നമട കായലിലെ ഓളപ്പരപ്പിൽ ഉയർന്ന് താഴുന്ന തുഴകളുടെ ആവേശം തൊട്ടറിഞ്ഞ് രാഹുൽ ഗാന്ധി. ഭാരത് ജോ ഡോ യാത്രയുടെ ഭാഗമായി ആലപ്പുഴ ജില്ലയിലെ പര്യടനവേളയിലാണ് വള്ളക്കളിയുടെ അവേശം അടുത്തറിയാൻ രാഹുൽ ഗാന്ധിയെത്തിയത്. കയ്യടിയും ആർപ്പുവിളിയും വള്ളപ്പാട്ടും എല്ലാം ചേർന്ന ഊർജത്തിന്റെ പരകോടിയിൽ തുഴച്ചിലുകാർക്കൊപ്പം അദ്ദേഹവും അലിഞ്ഞുചേർന്നു.