ശ്വാസംമുട്ടി മരിച്ചവരിൽ 19 വിദേശികളും

ഹാലോവിനിലെ ദുരന്തം

സോൾ : കോവിഡ് നിയന്ത്രണങ്ങൾ പിൻവലിച്ച ശേഷമുള്ള ആദ്യ ഹാലോവിൻ പരിപാടി. അത് അതിഗംഭീരമാക്കുക എന്നതായിരുന്നു ദക്ഷിണ കൊറിയയുടെ തലസ്ഥാന നഗരമായ സോളിന്റെ ലക്ഷ്യം. എന്നാൽ സംഭവിച്ചത് മറിച്ചാണ്. ഒരു ലക്ഷത്തിലധികം പേർ പങ്കെടുത്ത പരിപാടിയിൽ തിക്കിലും തിരക്കിലും പെട്ട് 153 പേരുടെ ജീവനാണു പൊലിഞ്ഞത്. 4 മീറ്റർ വീതിയുള്ള ഇടവഴിയിൽ ഇത്രയും തിങ്ങി നിറഞ്ഞത് ശ്വാസംമുട്ടലിനും ഹൃദയാഘാതത്തിനും കാരണമായെന്നാണ് റിപ്പോർട്ടുകൾ.