സാംപ ഏറിൽ ഇന്ത്യ വീണു

ആസ്ട്രേലിയയോട് 21 റൺസിന് തോറ്റു, പരമ്പര നഷ്ടം

ചെന്നൈ: അർദ്ധസെഞ്ച്വറി പ്രകടനത്തിലൂടെ (72 പന്തിൽ 54) ഇന്ത്യയെ നയിച്ച വിരാട് കൊലിക്കൊപ്പം ഒരാളെങ്കിലും പിടിച്ചുനിന്നെങ്കിൽ ഇന്നലെ ചെന്നൈയിലെ മത്സരത്തിൽ ആസ്ട്രേലിയയെ തോൽപ്പിച്ച് പരമ്പര സ്വന്തമാക്കാമായിരുന്നു. കോലിക്കൊപ്പം പിടിച്ചുനിന്ന ബാറ്റർമാരെ പുറത്താക്കി ആദം സാംപ ഇന്ത്യയുടെ കഥ തീർക്കുകയായിരുന്നു. വിലപ്പെട്ട നാല് ഇന്ത്യൻ വിക്കറ്റുകൾ-ശുഭ്മാൻ ഗിൽ (37), കെ.എൽ.രാഹുൽ(32), ഹാർദിക് പാണ്ഡ്യ(40), രവീന്ദ്ര ജഡേജ (18) എന്നിവരെ പുറത്താക്കിയാണ് സാംപ തന്റെ നിർണായക റോൾ ഗംഭീരമാക്കിയത്. മൂന്നാം ഏകദിനത്തിൽ 21 റൺസിനാണ് ഇന്ത്യ ആസ്ട്രേലിയയോട് പരാജയപ്പെട്ടത്.