લોકસભાની ચૂંટણી પહેલાં ગુજરાત કોંગ્રેસમાં મોટાં ગાબડાં

ગુજરાત કોંગ્રેસમાં એક સાંધો તો તેર તૂટે જેવી સ્થિતિ । અંબરીશ ડેર બાદ અર્જુન મોઢવાડિયાએ પણ રાજીનામું આપતા ખળભળાટ વિધાનસભામાં કોંગ્રેસ પક્ષનું સંખ્યાબળ ૧૪ થઈ ગયું, કોંગ્રેસમાંથી મોઢવાડિયાનું ધારાસભ્યપદેથી રાજીનામું । સ્થાનિક રાજકારણમાં ગરમાવો આવ્યો

લોકસભા ચૂંટણીને ગણતરીના મહિના બાકી છે ત્યારે કોંગ્રેસના અનેક દિગ્ગજ નેતાઓ રાજીનામા આપી રહ્યા છે. કોંગ્રેસના પૂર્વ ધારાસભ્ય અંબરીશ ડેર બાદ હવે કોંગ્રેસના ધારાસભ્ય અને પૂર્વ પ્રદેશ પ્રમુખ અર્જુન મોઢવાડિયાએ પણ રાજીનામું ધરી દેતા રાજકારણમાં હડકંપ મચ્યો છે. તેમણે ગુજરાત વિધાનસભા પહોંચીને સ્પીકર શંકર ચૌધરીને રાજીનામું સુપરત કર્યું હતું. આ રાજીનામા પછી વિધાનસભામાં કોંગ્રેસનું સંખ્યાબળ ૧૪ થઈ ગયું છે.  કોંગ્રેસમાંથી મોઢવાડિયાએ ધારાસભ્યપ દેથી રાજીનામું આપતા હવે પોરબંદરની પેટા ચૂંટણી પણ આવશે.