એરિઝોના બોર્ડર ક્રોસ કરી અમેરિકામાં પ્રવેશતા ઈમિગ્રન્ટ્સ પરથી મોટું જોખમ ટળ્યું

ગુજરાતીઓ મેક્સિકો બોર્ડર ક્રોસ કરીને અમેરિકામાં ગેરકાયદે રીતે દાખલ થાય છે એરિઝોનાના ડેમોક્રેટ ગવર્નર કેટી હોબ્સ ભૂતકાળમાં બોર્ડર ક્રાઈસિસને જે રીતે બાઈડન સરકાર મેનેજ કરી રહી છે તે અંગે પોતાની નારાજગી વ્યક્ત કરી ચૂકયા છે

દર વર્ષે કેટલાય ગુજરાતીઓ મેક્સિકો બોર્ડર ક્રોસ કરીને અમેરિકામાં ગેરકાયદે રીતે દાખલ થાય છે, અને આવા લોકોને બોર્ડર પેટ્રોલ દ્વારા અટકાયતમાં લઈને મોટાભાગે તેમને જરૂરી ફોર્માલિટી પૂરી કરીને રિલીઝ કરી દેવામાં આવે છે. જોકે, એરિઝોનાનાં રિપબ્લિકન સેનેટર્સ એવો કાયદો લાવવા માગતા હતા કે જેમાં રાજ્યની પોલીસને બોર્ડર ક્રોસ કરીને આવેલા અનડોક્યુમેન્ટેડ ઈમિગ્રન્ટ્સની ધરપકડ કરવાની સત્તા હોય, તેમજ કોર્ટ આવા લોકોને ડિપોર્ટ કરી શકે. તેના માટે તેમણે રાજ્યની સેનેટના અપર હાઉસમાં એક બિલ પસાર કરી દીધું હતું.