રાજકોટમાં ૧૪મીના મહા સંમેલન અંગે ગૃહ વિભાગ હરકતમાં આવ્યું

સંમેલનને લઈને પોલીસ અધિકારી - કર્મચારીઓને સંયમ સાથે કામગીરી કરવા માટેની સૂચના આપવામાં આવી ૧૪મીએ રાજકોટમાં ક્ષત્રિય અસ્મિતા સંમેલન

૧૪મીએ રાજકોટમાં યોજાનાર ક્ષત્રિય અસ્મિતા સંમેલન અંગે મોટા સમાચાર સામે આવ્યા છે. ૧૪મીના મહાસંમેલન અંગે રાજ્યનો ગૃહ વિભાગ આવ્યો હરકતમાં આવ્યું છે. પોલીસ અધિકારી - કર્મચારીઓને સંયમ સાથે કામગીરી કરવા સૂચના આપવામાં આવી છે. સંમેલનની મંજૂરી માગવામાં આવે તો પ્રક્રિયા હાથ ધરવા સૂચના આપવામાં આવી છે.

સૂત્રો દ્વારા મળેલી જાણકારી અનુસાર, ૧૪મીના ક્ષત્રિય અસ્મિતા સંમેલનને શરતી મંજૂરી મળી શકે છે. શાંતિ ડહોળાઈ નહિ અને સમાજ વચ્ચે વૈમનસ્ય ના ફેલાય તે રીતની શરતને આધીન અપાઈ શકે છે મંજૂરી.