મલ્લિકાર્જુન ખડગેનું મોટું નિવેદન ચાર જૂન બાદ ઇન્ડિયા ગઠબંધન બનાવશે સરકાર !!

જનતાએ વડાપ્રધાન મોદીને વિદાય આપવાનો નિર્ણય કર્યો છે : ખડગે લોકશાહી અને બંધારણને બચાવવાની ચૂંટણી ચાર તબક્કાની લોકસભા ચૂંટણી પછી ઇન્ડિયા ગઠબંધન મજબૂત સ્થિતિમાં છે : સપા સાથે સંયુક્ત પ્રેસ કોન્ફરન્સ માં કોંગ્રેસ અધ્યક્ષની ટિપ્પણી

લોકસભા ચૂંટણીના પાંચમાં તબક્કાના મતદાનની તૈયારીઓ વચ્ચે કોંગ્રેસ પ્રમુખ મલ્લિકાર્જુન ખડગેનું મોટું નિવેદન સામે આવ્યું છે. વાત જાણે એમ છે કે, કોંગ્રેસના પ્રમુખ મલ્લિકાર્જુન ખડગેએ બુધવારે લખનૌમાં જણાવ્યું હતું કે, ચાર તબક્કાની લોકસભા ચૂંટણી પછી ઇન્ડિયા ગઠબંધન મજબૂત સ્થિતિમાં છે. જનતાએ વડાપ્રધાન નરેન્દ્ર મોદીને વિદાય      આપવાનો નિર્ણય કર્યો છે. તેમણે કહ્યું કે, ઇન્ડિયા ગઠબંધન ૪ જૂને નવી સરકાર બનાવી રહી છે. યુપીની રાજધાનીમાં સમાજવાદી પાર્ટીના વડા અખિલેશ યાદવ સાથે સંયુક્ત પ્રેસ કોન્ફરન્સ કરતી વખતે કોંગ્રેસ અધ્યક્ષે આ ટિપ્પણી કરી હતી.