કેરળમાં ૩૧મી મેએ દક્ષિણ-પશ્ચિમ ચોમાસાની એન્ટ્રી થઈ શકે

હીટવેવ વચ્ચે હવામાન વિભાગે આપી ખુશખબર દેશભરમાં હાલ પડી રહેલી અંગદઝાડતી ગરમી અને લૂમાં લોકો તોબા પોકારી ગયા છે ત્યારે આ વખતે ચોમાસામાં વધુ વરસાદ પડવાની સંભાવના

દેશભરમાં હાલ પડી રહેલી અંગદઝાડતી ગરમી અને લૂમાં લોકો તોબા પોકારી ગયા છે, ત્યારે હવામાન વિભાગે તોબા પોકારી ગયેલા લોકો માટે ચોમાસાની પધરામણીની રાહતભરી આગાહી કરી છે. IMDએ કહ્યું કે, આગામી પાંચ દિવસમાં કેરળ માં ચોમાસાની શરૂઆત માટેની પરિસ્થિતિ બનવાની સંભાવના છે. સામાન્ય રીતે કેરળમાં પહેલી જૂને ચોમાસાની પધરામણી થાય છે, જોકે આઈએમડીએ કહ્યું છે કે, આ વર્ષે કેરળમાં ૩૧મી મેએ દક્ષિણ-પશ્ચિમ ચોમાસાની એન્ટ્રી થઈ શકે છે.